:: ယောဂီများသိမှတ်ဖွယ်ရာ >>
ကျေးဇူးတော်ရှင် မဟာစည်ဆရာတော်ဘုရားကြီး ပြဋ္ဌာန်းသတ်မှတ်ထားသော ဥပဒေ စည်းမျဉ်း စည်း ကမ်းများနှင့်အညီ ယောဂီအားလုံး အခြေခံအားဖြင့် အောက်ပါအတိုင်း လိုက်နာကျင့်သုံး နေထိုင်ကြရပါမည်။
- (၁) ရှစ်ပါးသီလခံယူ၍ နေ့စဉ် လုံခြုံအောင် ထိန်းသိမ်းဆောက်တည်၍ ကြိုးကြိုးစားစား အားထုတ် ရပါမည်။ အရုဏ်မတက်မီ အစာမစားရပါ၊ ဘုရားနှင့် ဆရာတော်များကန်တော့ သောအခါ ထိခြင်းငါးပါးနှင် ပြည့်စုံအောင် ကန်တော့ရပါမည်။ တရားဝင်သောနေ့ ညနေ(၄)နာရီတွင် ဆရာတော်ဘုရားကြီး ဟောကြားသော အလုပ်ပေးတရားတော်ကို မပျက်မကွက် နာယူမှတ် သားရပါမည်။
- (၂) ပြဋ္ဌာန်းသတ်မှတ်ထားသော ယောဂီများလိုက်နာရန် တရားရှုမှတ်ချိန်ဇယားအတိုင်း သတ်မှတ် ထားသော နေရာဌာနများတွင် မပျက်မကွက် သွားရောက်ရှုမှတ်အားထုတ် ရပါမည်။
- (၃) တရားစစ်ဆေးရန် သတ်မှတ်သည့်အချိန်တိုင်း (ဥပုသ်နေ့မှအပ နေ့စဉ်) တရားစစ်သော ဆရာတော်ထံ သွားရောက်တွေ့ဆုံ အစစ်ဆေး ခံယူရပါမည်။
- (၄) ဆေးလိပ်သောက်ခြင်း၊ ကွမ်းစားခြင်း၊ ကျမ်းဂန်အပါအဝင် စာအုပ်များ၊ မဂ္ဂဇင်းဂျာနယ်များ ဖတ်ခြင်း၊ ရွတ်ဖတ်သရဇ႙ာယ် ခြင်း လုံး၀မပြုလုပ်ရပါ။
- (၅) ယောဂီအားလုံး တရားဝင်နေချိန်အတွင်း ရိပ်သာဝင်း၏ပြင်ပသို့ လုံး၀ထွက်ခွင့်မရှိပါ၊ မလွှဲ မရှောင်သာ၍ မထွက်မဖြစ်သော အရေးတကြီးကိစ္စရှိပါက တရားစစ်သောဆရာတော်၏ ခွင့်ပြု ချက်ရယူရပါမည်။
- (၆) ရိပ်သာအတွင်း တစ်နေရာမှ တစ်နေရာသို့ သွားလာရာတွင် လက်ပိုက် မျက်လွှာချ၍ အမှတ် သတိဖြင့် တန်းစီသွားရပါမည်။ ဘေးချင်းယှဉ်တွဲမသွားရပါ။ ယောဂီများအချင်းချင်း စကား ပြောခြင်း မိတ်ဆက်ခြင်းမျိုး မပြုလုပ်ရပါ။
- (၇) ဧည့်သည်တွေ့ချိန်မှာ နံနက်(၉)နာရီမှ (၁၁)နာရီအတွင်းနှင့် ညနေ(၅)နာရီမှ (၆)နာရီအတွင်း ဖြစ်ပြီး ဧည့်သည် အမျိုးသားဖြစ်စေ၊ အမျိုးသမီးဖြစ်စေ၊ ဧည့်ခန်း၌သာ စကားပြောရပါမည်။ အိပ်ခန်းတွင်းသို့ ခေါ်ယူဧည့်ခံခြင်းမပြုရပါ။
- (၈) အဖိုးတန် ရွှေငွေ လက်ဝတ်လက်စားများနှင့် လိုအပ်သည်ထက်ပိုမိုသော ငွေကြေးအများအပြား ယူဆောင်လာခွင့်မပြုပါ။ အကယ်၍ ငွေများပြားစွာပါရှိလာပါက ရုံးခန်းတွင် စံနစ်တကျ အပ်နှံထား နိုင်ပါသည်။
- (၉) အချုပ်အားဖြင့် ရိပ်သာတွင်း နေထိုင်စဉ်ကာလအတွင်း ယောဂီအားလုံး လောဘ,ဒေါသ စသော ကိလေသာတို့၏ အလိုအားဖြင့် ရုန့်ရင်းကြမ်းတမ်းသော ကိုယ်အမူအရာ၊ နှုတ်အမူအရာများ ထင်ရှားမဖြစ်ပေါ်စေရအောင် အမှတ်သတိဖြင့် စောင့်စည်းထိန်းသိမ်း၍နေထိုင်ရမည်။
- (၁) သံဃာတော်များနှင့် သာမဏေများသည် ကြည်ညိုဖွယ်ရာ ဣန္ဒြေသိက္ခါဖြင့် သင်္ကန်းဝတ်ရုံ သီတင်းသုံးရမည်။ သင်္ကန်းမှာ အညိုရောင်သင်္ကန်းကိုသာ ဝတ်ရုံရပါမည်။ ဗုဒ္ဓစေတီတော် များရှေ့၊ သံဃအစည်းအေဝး၊ ဆရာသမားမထေရ်ကြီးများရှေ့မှောက်နှင့် ရိပ်သာပြင်ပသို့ ထွက်ကြွလျှင် လက်ဝဲလက်မောင်းကို လုံခြုံစေသော ပရိမဏ္ဍလဝတ်ရုံနည်းဖြင့် ကြည်ညိုဘွယ် ရာဝတ်ရုံရမည်။
- (၂) အမျိုးသား-အမျိုးသမီးများသည် သတ်မှတ်ထားသော ယောဂီဝတ်စုံနှင့် တဘက်များကိုအစဉ် ဝတ်ဆင်ထားရပါမည်။ အထူးအားဖြင့် အမျိုးသမီးယောဂီများ အဝတ်အထည်ဆင်ယင်ရာတွင် ဣန္ဒြေသိက္ခါရှိစွာ လုံလုံခြုံခြုံ ဝတ်ဆင်ရပါမည်။ (အကျင်္ီလက်ပြတ်၊ လယ်ဟိုက်၊ ဘလောက်စ် စပို့ရှပ်၊ တီရှပ် စသည် ဝတ်ဆင်ခွင့်မပြုပါ။)
- (၃) ခြေသည်း၊ လက်သည်း၊ နှုတ်ခမ်းနီဆိုးခြင်း မပြုလုပ်ရပါ၊ ဆံပင်ကို သပ်ယပ်စွာဖီး၍ စည်း နှောင်ထုံးဖွဲ့ထားရပါမည်။
- (၁) နေရာချထားရေးရုံးတွင် ယောဂီသစ်မှတ်ပုံတင်ပြီး ကျသင့်သောအလှူငွေများပေးသွင်းလျင် နေထိုင်သောအဆောင်သတ်မှတ်ပေးပါမည်။
- (က) ယောဂီတစ်ဦးလျှင် ရေ-မီး အလှူငွေ ၅၀ဝိ/-နှုံး
- (ခ) ဟိတေသီအထောက်အပံ့မယူသော ယောဂီသစ်များ
ဆွမ်း(အရုဏ်+နေ့ဆွမ်း) တစ်ရက်စာ ၅၀ဝိ/- - (ဂ) သာသနာ့မာမကကျောင်းနှင့် သုဓမ္မစာရီ၊ ဓမ္မဂေ၀သီ အမျိုးသမီးဆောင်တွင် နေခွင့်ရသူများ အလှူငွေတစ်ဦးလျှင် ၁၀၀ဝိ/-နှုံးပေးသွင်းရပါမည်။
- (၂) သတ်မှတ်ရိပ်သာအဆောင်တွင် နေထိုင်စဉ်ကာလအတွင်း အဆောင်မှူး၏ ညွှန်ကြားချက်များ ကို လိုက်နာရပါမည်။ အခန်းနေရာရွှေ့ရန် အကြောင်းထူးပေါ်လာ၍ တာဝန်ခံပုဂ္ဂိုလ်က ညွှန် ကြားလာလျှင် ဝန်မလေးဘဲ ပြောင်းရွှေ့ပေးရပါမည်။ နေထိုင်စဉ် သပ္ပါယ-မဖြစ်၍ နေရာ ပြောင်းလိုလျှင် နေရာချထားရေးရုံးသို့ တင်ပြနိုင်သည်။
- (၃) အဆောင်ကူးခြင်း၊ အခန်းကူးခြင်း လုံး၀မပြုလုပ်ရပါ၊ ယောဂီအချင်းချင်း စကားပြောခြင်း၊ တရားဆွေးနွေးခြင်း၊ မိတ်ဆက်ခြင်းမပြုလုပ်ရပါ၊ မပြောမဖြစ် ပြောရမည့်ကိစ္စများကို တိုးတိုး သက်သာပြောရပါမည်။ (ယောဂီ၏ အကြီးဆုံးအပြစ်ဟု သတ်မှတ်ပါသည်။)
- (၄) အဆောင်တွင် မိမိအိပ်ယာ နေရာထိုင်ခင်းများကို သန့်ရှင်းစွာထားရှိရမည်၊ အဝတ်အစား ပစ္စည်းများ စနစ်တကျသေသပ်စွာထားရှိရပါမည်။ မလိုအပ်သည့်အချိန် လျှပ်စစ်မီးကို အသုံး မပြုရပါ။ ည ၉း၃၀ နာရီတွင် မိမိတို့အိပ်ခန်းမီးကို ပိတ်ကြရပါမည်။
- (၅) အမျိုးသမီး အသုံးပြုပစ္စည်းများကို ရေအိမ်ဘေးရှိ ပုံးတွင် စွန့်ပစ်ပါ၊ အိမ်သာတွင်းထဲသို့ မထည့်ရပါ။ ရေချိုးရာ၌ အမှတ်သတိဖြင့် ချိုးရပါသည်။ စကားပြော၍ မချိုးရပါ။ မည်သည့် ကိစ္စမျိုးကိုမဆို အသံမမြည်အောင် ငြင်သာစွာ ပြုလုပ်ရပါသည်။
 
|