:: အမျိုးသားယောဂီဝင်လိုသူများ >>
- (၁) နိုင်ငံသားစိစစ်ရေးကတ် (အမျိုးသားမှတ်ပုံတင်ကတ်) ပါရှိရပါမည်။ လက်ရှိနေထိုင်ရာလိပ်စာ ဆက်သွယ်နိုင်မည့်ဖုံးနံပါတ်ပါရှိရပါမည်။
- (၂) ၎င်းကတ် မရရှိသေးပါက၊ ရပ်ကွက်ထောက်ခံစာနှင့် အိမ် ထောင်စုစာရင်း ပါရှိရပါမည်။ အစိုးရ ဝန်ထမ်းဖြစ်လျင် ဌာနဆိုင်ရာအကြီးအကဲ၏ ထောက်ခံ ခွင့်ပြုချက်ပါလာရပါမည်။
- (၃) ယောဂီဟောင်းတစ်ဦးဦး၏ ထောက်ခံချက်ဖြင့်ဖြစ်စေ၊ ကမ္မဋ္ဌာနာစရိယ၊နာယကဆရာတော် တစ်ပါးပါး ၏ထောက် ခံချက်ဖြင့်ဖြစ်စေ၊ ဗုဒ္ဓသာသနာနုဂ္ဂဟအဖွဲ့ချုပ် (သို့မဟုတ်) အမျိုးသမီ ယောဂီစောင့်ရှောက်ရေး အဖွဲ့ဝင်တစ်ဦးဦးက သေခြာစွာမေးမြန်းစစ်ဆေး၍ လက်ခံသင့်သည်ဟု ယူဆ လျှင် လက်ခံခြင်းပြုနိုင်သည်။
- (၄) နေ့စဉ် နံနက်(၈)နာရီမှ(၉)နာရီ၊ နေ့လယ်(၁)နာရီမှ (၄)နာရီ တွင် သံဃာတော်များနှင့် အမျိုးသား ယောဂီများ လက်ခံ နေရာချထားရေးရုံးတွင် ယောဂီသစ် မှတ်ပုံတင်စာရင်းပေးသွင်းရပါမည်။
- (၅) အသက်(၁၈)နှစ်အောက်နှင့် အုပ်ထိန်းမှု မလွတ်ကင်းသူများ ငယ်ရွယ်သူများသည် မိဘ(သို့) အုပ်ထိန်းသူများကိုယ်တိုင် လာရောက်အပ်နှံရပါမည်။
- (၆) အမျိုးသားများအတွက် ရှပ်အကျင်္ီအဖြူနှင့် အရောင်ရင့်ရင့် (ယောဂီများ အညိုရောင်ပိုသင့်ပါသည်) လုံချည်နှင့် ယောဂီ တစ်ဘက်၊ နေရာထိုင်ခင်းတို့ ယူလာရပါမည်။ (လိုအပ် သလောက် အဝတ်အစားများကိုသာ ယူလာရပါမည်။)
- (၇) အိပ်ယာ၊ ခြင်ထောင် အပြည့်အစုံယူလာရပါမည်။
- (၈) မှီဝဲသုံးဆောင်နေကျ ဆေးနှင့် ပစ္စည်းများဖြစ်သော -
- (က) ဆေးဝါးများ၊
- (ခ) ရေနွေးဓာတ်ဗူး၊လက်နှိပ်ဓာတ်မီး၊
- (ဂ) သော့ခလောက်၊
- (ဃ) လိုအပ်သည့်ကော်ပီစာအုပ်၊ခဲတံ၊
- (င) မှီဝဲနေကျအာဟာရ (ဥပမာ-ထန်းလျှက်၊သကြား၊နို့ဆီ) ယူလာနိုင်ပါသည်။
- (၉) ကူးစက်တတ်သောရောဂါ၊ စိတ်ရောဂါများ လုံး၀ကင်းရှင်း၍ ကျန်းမာသူဖြစ်ရပါမည်။
